ఛందం ^©

అంకితం

తేట తెలుగు

ఉగ్గుపాలనుండి ఉయ్యాలలోననుండి
అమ్మ పాట పాడినట్టి భాష
తేనెవంటి మందు వీనులకును విందు
దేశభాషలందు తెలుగులెస్స!

సంస్కృతంబులోని చక్కెర పాకంబు,
అరవభాషలోని అమృతరాశి,
కన్నడంబులోని కస్తూరి వాసన,
కలిసిపోయె తేట తెలుగునందు.

వేనవేల కవుల వెలుగులో రూపొంది
దేశదేశములను వాసిగాంచి
వేయి యేండ్లనుండి విలసిల్లు నా “భాష”
దేశ భాషలందు తెలుగు లెస్స!

అని చాటిన మా పెద్దనాన్నగారు డా.శ్రీ మిరియాల రామకృష్ణ(మిరా)గారికి అంకితం. డా|| మిరియాల రామకృష్ణ గారు(మిరా గా సుపరిచితులు) సుప్రసిద్ద రచయిత. శ్రీశ్రీ గారి కవితాశైలిపై ఆంధ్రా యూనివర్సిటీ నుండి తెలుగు సాహిత్యంలో డాక్టరేట్ పొందినారు.( మరిన్ని వివరాలకు ఇక్కడ చూడండి. )

1. మిరా కవితలు కొన్ని
2. Google మిరియాల రామకృష్ణ
3. బాలసాహిత్యం: దక్షిణ భారత దేశ పుస్తక అవార్డు(1965): బాలాభిరామం